የቀድሞ የየመን ፕሬዚዳንት አሊ አብደላህ አንዳርጋቸውን ለወያኔ አሳልፍ የሰጠ ሳሌህ ተገደሉ

የቀድሞ የየመን ፕሬዚዳንት አሊ አብደላህ ሳሌህ ተገደሉ

የቀድሞ የየመን ፕሬዚዳንት አሊ አብደላህ ሳሌህ ከሀውቲ አማፅያን ጋር በተፈጠረ ግጭት መገደላቸው እየተነገረ ነው።

በሀውቲ አማፅያን ቁጥጥር ስር የሚገኘው አል ማሲራህ ቴሌቪዥን ጣቢያ የሀውቲ የሀገር ውስጥ ጉዳይ ሃላፊን በመጥቀስ እንደዘገበው፥ “ የቀድሞው ፕሬዚዳንት መሞታቸውን ተከትሎ የቀጠናው ያለው ችግር ፍፃሜውን አግኝቷል” ብሏል።

እስካሁን የቀድሞ ፕሬዚዳንት አሊ አብደላህ ሳሌህ መሞትን የሚያረጋግጥ ገለልተኛ አካል አልተገኘም።

ሆኖም ግን በተለያዩ ማህበራዊ ትስስር ድረ ገጾች ላይ እየተለቀቁ ያሉ ተንቀሳቃሽ ምስሎች የሟቹ አካል የቀድሞ የየመን ፕሬዚዳንት አሊ አብደላህ ሳሌህ መሆኑን ያመለክታሉ ተብሏል።

አሊ አብደላህ ሳለህ የፖለቲካ ፓርቲ ከሀውቲ ታጣቂዎች ጋር በፕሬዚዳንቱ መኖሪያ አካባቢ በተደረገ ጦርነት ወቅት ቤታቸው ላይ በተፈፀመ ጥቃት መገደላቸውን አስተባብሏል።

እስከ ባለፈው ሳምንት ድረስ የቀድሞ የየመን ፕሬዚዳንት አሊ አብደላህ ሳለህ ደጋፊዎች ከሀውቲ አማፅያን ጋር ሲዋጉ መቆየታቸው ይታወሳል።

እንደ አውሮፓውያኑ አቆጣጠር በመጋቢት ወር 2015 ላይ በሳዑዲ አረቢያ መሪነት በተጀመረው የየመን ጦርነት እስካሁን ከ12 ሺህ በላይ ሰዎች ህይወት አልፏል።

እንዲሁም ከ20 ሚሊየን በላይ የመናውያን ለከፍተኛ የምግብ እጥረት እና ለኮሌራ ወረርሽን የተዳረጉ ሲሆን፥ በኮሌራ ወረርሺኙም ከ2 ሺህ 200 በላይ ሰዎች ሞተዋል።

ምንጭ፦ ቢቢሲ

Leave a Reply

Your email address will not be published. Required fields are marked *