ወይኔ አባ ዱላን እንደ ትሮይ ፈረስ አስውቦ እና አስጊጦ ልኮት እንጂ ከምር አይደለም ብየ ነበር!

የኤርሚያስ አቋም !
??❤️?????❤️
የዚህ ፅሁፍ መነሻ ሀሳብ ዛሬ የነበረው የኢሳት ውይይት ነው!ኢሳቶች እንደተለመደው የከፍታ ዘመናቸውን ተያይዘውታል !!አንድ ተቋም ስር የሚሰሩ ጋዜጠኞች ሀሳብን በነፃነት ሲያፉጩ ማየትን የመሰለ አስደሳች ትዕይንት የለም!!! የ አራዶችን ቃል ተውሼ ” ይነፋል” ብያለሁ::

እነሱ ያስተማሩንን ሀሳብን መሟገትን ተጠቅሜ የበኩሌን ልሟገታቸው ነው አንጋፎችን ጋዜጠኞች መሟገት ቢከብድም :: በዚህ ውይይት ሲሳይ ቢኖር በጣም ይደላኝ እንደነበር አልደብቃችሁም! ለምን ብላችሁ አትጠይቁኝ ?!

የክርክሩ ማጠንጠኛ የሆነው! የ እነ በረከት እና የ አባዱላ ስልጣን መልቀቅ የወያኔ ድራማ ነው ወይስ ከምር ነው የሚል አወዛጋቢ የነበረ ሀሳብ ነው:: በዚህ ጉዳይ ( በ አባዱላ ብቻ) ባለፈው እሁድ ከጏደኞቼ ጋር ለ አራት ሰአት
ተሟግቸበታለሁ! ብዙወቹ እጃቸውን ሰጥተዋል በተለይ በማግስቱ የ ስምኦን ልጅ ስልጣን መልቀቁ ሲሰማ( ለግዜው ደስ አለኝ ? ጏደኞቼን በማሸነፌ …)

በመሰረቱ በዚህ ባብዛኛው በተሸነፈ ሀሳብ ላይ ባይከራከሩ ከዛ ይልቅ የ አንድነት ሀይሉ ምን ያድርግ በሚል የ ተግባር ምልከታ ላይ ቢወያዩ ውጤታማ ይሆን ነበር :: ነገር ግን እንደ ምንይላቸው አይነቶችን ለማሳመን ትንሽ ነዳጅ መጨረስ ያለብን ይመስለኛል ! እንደ አያያዙ ምንይላቸው ከሰማይ መላዕክት ካልነገሩት ማመን የሚፈልግ አይመስልም! ይህ የ ትምህርት ቤት የክርክር መድረክ አይደለም! መድረኩ ሀሳብ ሰጠህ ሀሳብ የምትቀበልበት በመሆኑም ሀሳብህ ቢሸነፍ ችግር የለውም ! ሀሳቤ እንዳይሸነፍ ብሎ ግትር ማለት ያየሁ መሰለኝ እና ቢታረም ብየ መጠቆም ወደድኩ!!

እኔም ከሳምንት በፊት በፍፁም አይሆንም አይድረግም ወይኔ አባ ዱላን እንደ ትሮይ ፈረስ አስውቦ እና አስጊጦ ልኮት እንጂ ከምር አይደለም ብየ ነበር! ምድር ላይ ያሉ ተጨባጭ ነገሮችን ሳይ እና በጥልቀት ስመረምረው ግን የምር መሆኑ ገባኝ! በተለይ ደግሞ በሳምንት ጊዜ ውስጥ የስርአቱ የ ፕሮፓጋንዳ ማሽን በረከት ስልጣን ሲለቅ ይህን አላምንም ማለት ሰገጤነት ይመስልእኛል! (ሰገጤ ማለት አንድን ነገር ቺክ አርጎ መያዝ ከሁኔታወች ጋ አጣጥሞ አለመመዘን! ጠቅለል ሲደረግ አለመዘመን በጥንት በሬ ለማረስ መሞከር ማለት ነው:: )

ወያኔ በዚህ ደረጃ እየተፍረከረከ እያየን አይ በፍፁም አሁንም ማሰቢያ ጭንቅላቱን ( በረከትን) ስልጣን እንዲለቅ ያደረገ ወያኔ ድራማ እየሰራ ነው ማለት ሰገጤነት ይመስለኛል:: ወያኔ አይነኬ ነው ማን ይደፍረዋል የሚል ዝንባሌ የተንበርካኪነት እና ተሸናፊነት ስነልቦና ይመስለኛል የወያኔን ስነልቦና የተረዱ ኦህዴድን እና ብአዴንን አርቀው እና ፈጥርቀው ለወያኔ ሲያዝገዙ የነበሩ ቱባ ባለስልጣናትን በዚህ በቃውጢ ስአት ማጣት ለወያኔ ትልቅ የመንፈስ ስብራት ነው! ትልቅ ውድቀት ነው::

የሀገራችን ፓለቲካ ውስጥ ብዙ የድል አጥቢያ አርበኞች እንዳሉ ሁሉ ብዙ የድል ዋዜማ አርበኞች አሉ:: እነ ገነት ዘውዴ: አንደርያስ እሸቴ ነጋሶ ጊዳዳን የመሳሰሉ የድል ዋዜማ አርበኞችን ማስታወስ በቂ ነው:: ቀኑ መክፋቱን ያየ ሁሉ ይክድሀል :: ስለዚህ የቀኑን መዘንበል የሚአመለክቱ ትልልቅ ድወሎችን በ ብአዴን እና ኦህዴድ መንደር እየደወለ ድራማ መጫወት የሚአስብ ወያኔ ካለ እውነትም የሞተ አንቀልባ ሰው ነው:: በሌላ ቋንቋ ይህን የመሰለ የጅል ፓለቲካ ወያኔ አትሰራም:: በተለይ ደግሞ የአባ ዱላ ስልጣን መልቀቅ የ ለውጥ ደወል ሁኖ ከባሌ እስከ ሰላሌ መሬት አንቀጥቅጥ ሰልፍን እያየች ወያኔ በረከትን ያክል የ ስርአቱን ማጠንጠኛ ስልጣን ልቀቅ እና ድራማ ልስራብህ ብላ ወያኔ ላከችው ማለት በየትኛው ስነ አመክንዮ ( logic) እንደሚደገፍ አላውቅም!!

ለማንኛውም ነገሩ የምር መሆኑን ከመጠራጠር እና ከዛም አንፃር ጉንጭ አልፋ ክርክር ከማድረግ ይህ የተነሳውን የለውጥ ሀይል እንዴት እንደግፈው ብሎ የወያኔን ስርአት መንግሎ ዲሞክርይሲያዊ ስርአት መግንባት ይቻላል በሚል ውይይት ላይ እናተኩር!! የሰራ ያሸንፋል ያወራ ግን ሲአወራ ይኖራል!!!

ከዳዉት ሰለሞን

Leave a Reply

Your email address will not be published. Required fields are marked *