ለቴድሮስ አድሃኖም ታዋቂ የህዝብ ግንኙነትና የሎቢ ካምፓኒ ተቀጠረላቸው

ለቴድሮስ አድሃኖም ታዋቂ የህዝብ ግንኙነትና የሎቢ ካምፓኒ ተቀጠረላቸው
———————————————————————————
ለአለም አቀፉ የጤና ድርጅት ዳይሬክተር ጄኔራል ለመሆን በወዳደር ላይ ያሉትን ቴድሮስ አድሃኖምን የምርጫ ዘመቻ እንዲመራ ታዋቂው የህዝብ ግንኙነት ካምፓኒ ሜርኩሪ ፓብሊክ አፌይርስ (Mercury LLC Public Affairs) እና የኢትዮጵያ መንግስት በከፍተኛ ገንዘብ መፈራረማቸው ታውቋል። ሜርኩሪ ፓብሊክ አፌይርስ በተደጋጋሚ ደንበኞቹን ውጤታማ ለማድረግ አለም አቀፍ ተቋማት፣ መንግስታትንና መንግስታዊ ያልሆኑ ድርጅቶች(NGO) ላይ ጫና መፍጠርን የተካነ ካምፓኒ ነው። ባለፈው አመት እንኳን የናይጄሪያ የእርሻ ሚንስትር የነበሩትን አኪንዉሚ አዴሲና (Akinwumi Adesina) አቶ ሶፍያን አህመድን አሸንፈው የአፍሪካ ልማት ባንክ (African Development Bank) ዳይሬክተር እንዲሆኑ ከፍተኛ የማግባባት ስራ (Lobby) ሲሰራ የምናስታውሰው ነው።fb_img_1475199748816
የኢትዮጵያ መንግስትና ተቀማጭነቱን ለንደን እንግሊዝ ያደረገው ሜርኩሪ በምን ያህል ገንዘብ እንደተፈራረሙ ለጊዜው ያልታወቀ ቢሆንም የኢትዮጵያ መንግስት ቴድሮስ አድሃኖም የአውሮፓ ተፎካካሪዎቻቸውን አሸንፈው ቦታውን እንዲይዙ ካለው ፍላጎትና ጥቅም አንፃር በ10 ሚሊዮን ዶላሮች ሳይሆን እንደማይቀር ይገመታል።
የሜርኩሪ ከፍተኛ አመራሮች ከቴድሮስ አድሃኖም የምርጫ ዘመቻ ቡድን አባላትና ከመንግስት ተወካዮች ጋር በ አዲስ አበባ ከተወያዩ በኳላ ወደ ለንደን ተመልሰዋል።
ከጉዳዩ ጋር የተያያዙ ሌሎች ተጨማሪ መረጃዎችን ይዤ እመለሳለሁ።
ጴጥሮስ አሸናፊ

Leave a Reply

Your email address will not be published. Required fields are marked *